វៀតណាមបិទចរាចរណ៍មុខខ្លោងទ្វារខេត្តព្រះត្រពាំង

ដោយ ថាច់ ប្រីជា គឿន l សារព័ត៌មាន ព្រៃនគរ

ក្រោយពី សារព័ត៌មាន ព្រៃនគរ បានចេញផ្សាយអត្ថបទនេះមក

មានមតិជជែកគ្នានៅលើបណ្ដាញសង្គម Facebook ពីព្រះសង្ឃ 

និងពលរដ្ឋខ្មែរក្រោមជុំវិញការបិទផ្លូវនៅមុខខ្លោងទ្វារខេត្តព្រះត្រពាំង និងពួកគេបានដាក់ចម្ងល់ថា ហេតុអ្វីត្រូវបិទ ?

ក្រុមអ្នកប្រើ Facebook ដែលដឹងហេតុការណ៍នេះ បានបញ្ចេញមតិ

ថា មូលហេតុដែលនាំឲ្យអាជ្ញាធរវៀតណាមបិទផ្លូវនោះ មកពីមាន

រថយនដឹកជញ្ជូនទំនិញបានរត់ទង្គិច បណ្ដាលឲ្យខ្លោងទ្វារនេះ

រង្គោះរង្គើ ទើបគេបិទផ្លូវដើម្បីជួសជុលឡើងវិញ ។

ថ្មីៗនេះ អាជ្ញាធរវៀតណាមបានបិទផ្លូវចរាចរណ៍នៅមុខខ្លោង

ទ្វារខេត្តព្រះត្រពាំងហាមពលរដ្ឋ ធ្វើដំណើរនៅតាមផ្លូវមួយ 

នេះ ធ្វើឲ្យមានការងឿងឆ្ងល់ពីពលរដ្ឋខ្មែរក្រោម ។

ព្រះសង្ឃខ្មែរក្រោមនៅកម្ពុជាក្រោមបានប្រាប់សារព័ត៌មាន ព្រៃ

នគរ ដោយមិនទាន់ច្បាស់ការណ៍ថា ការបិទផ្លូវនេះ ប្រហែលជា

អាជ្ញាធរវៀតណាមគ្រោងសាងសង់ ឬ ជួសជុលខ្លោងទ្វារដែល

មានលក្ខណៈខ្មែរចិនយួនមួយនេះ ព្រោះវាទ្រុឌទ្រោម តែព្រះ

សង្ឃខ្មែរក្រោមនៅតែមានក្ដីកង្វល់ជាមុនថា អាជ្ញាធរវៀតណាម

នឹងធ្វើ ឬ សាងសង់ខ្លោងទ្វារនេះជាថ្មីខុសពីទ្រង់ទ្រាយដើម ។

តាមការអះអាងរបស់ពលរដ្ឋខ្មែរក្រោមនៅខេត្តព្រះត្រពាំងថា

ខ្លោងទ្វារនេះ ត្រូវបានអាជ្ញាធរវៀតណាមជួសជុសឲ្យប្រាសចាក

លក្ខណៈដើមរបស់ខ្មែរម្ដងរួចមកហើយ  តែត្រូវបានព្រះសង្ឃ

និងពលរដ្ឋខ្មែរក្រោមតវ៉ា ទើបពួកគេធ្វើសងឡើងវិញ តែត្រូវបាន

ដាក់ក្បាច់យួនចិនបន្ថែម ។ ក្រោយពីបក្សកុម្មុយនិស្តយួនចូលត្រួត

ត្រាខ្មែរក្រោមនៅថ្ងៃទី ៣០ ខែមេសា ឆ្នាំ ១៩៧៥ មក ខ្លោងទ្វារ

នេះ ត្រូវបានអាជ្ញាធរវៀតណាមដាក់អក្សរថា "ដឹងគុណលោកប្រ

ធាន ហូ ជី មិញ ដ៏មហិមា ជានិច្ចនិរន្តរ៍" ដើម្បីលើកតម្កើងដល់មេ

បក្សកុម្មុយនិស្តរបស់ពួកគេ ។

កាលពីថ្ងៃទី ២៤ ខែមីនា ឆ្នាំ ២០១០ ខ្លោងទ្វារស្រុកកញ្ចោង នៃ

ខេត្តព្រះត្រពាំង បានស្រុតបាក់ដោយចៃដន្យបណ្ដាលឲ្យជនជាតិ

យួនម្នាក់ស្លាប់ខណៈដែលកំពុងរត់ម៉ូតូកាត់ខ្លោងទ្វារនោះ ៕

ថ្ងៃទី ២៦ ខែធ្នូ ឆ្នាំ ២០១២៖ ខ្លោងទ្វារខេត្តព្រះត្រពាំង ត្រូវបានបិទចរាចរណ៍ ។

ថ្ងៃទី ២៦ ខែធ្នូ ឆ្នាំ ២០១២៖ ខ្លោងទ្វារខេត្តព្រះត្រពាំង ត្រូវបានបិទចរាចរណ៍ ។

ខ្លោងទ្វារស្រុកកញ្ចោងបាក់កាលពីថ្ងៃទី ២៤ ខែមីនា ឆ្នាំ ២០១០ ។